Normat e inflacionit në Gjermani vazhduan të rriten në maj me 7.9 çmime më të larta krahasuar me të njëjtën periudhë të vitit të kaluar, rritja më e lartë e regjistruar e çmimeve në Gjermani që nga kriza e naftës në vitet 1970, tha Byroja Federale e Statistikave në Wiesbaden.

Norma prej 7.9 për qind është më e lartë se vlerësimet e ekonomistëve kryesorë që prisnin një normë inflacioni prej 7.6 për qind për muajin maj, transmeton portal arbresh.info

Ashtu si me rritjen e krahasueshme të çmimeve në 1973/1974. shkaku kryesor është rritja e çmimeve të energjisë.

“Që nga fillimi i luftës në Ukrainë, çmimet e energjisë në veçanti janë rritur ndjeshëm, gjë që ka ndikuar në normën e lartë të inflacionit”, thuhet në një deklaratë të Byrosë Federale të Statistikave.
Sipas statistikave më të fundit, çmimet e energjisë dhe ushqimeve u rritën më së shumti, me 38,3 për qind, me 11,1 për qind.

Inflacioni ishte gjithashtu për shkak të ndërprerjeve të zinxhirit të furnizimit si rezultat i ndërprerjeve gjatë krizës sëpandemisë dhe mungesës së stafit në industrinë e logjistikës.

Ministri i Financave Christian Lindner tha se rritja e inflacionit duhet të frenohet dhe njoftoi një kthim në masat shtrënguese dhe zero borxh që në fillim të vitit të ardhshëm./arbresh.info/